काठमाडौं । कन्नड फिल्म ‘कान्तरा’ अहिले निकै चर्चामा छ । दर्शकले फिल्मलाई रुचाउँदै प्रशंसामा आफ्ना शब्दहरु खर्चिरहेका छन् ।बक्स अफिसमा उत्कृष्ट कमाइ गरिरहेको कान्तरा गत ३० सेप्टेम्बरमा रिलिज भएको हो । पोन्नियिन सेल्वन-१ जस्तो साउथ फिल्म र ऋतिक रोशन र सैफअलि खान स्टारर बलिउड फिल्म ‘विक्रम वेधा’सँगै कान्तरा रिलिज भएको थियो । अरु फिल्म हिन्दी लगायत अन्य भाषामा रिलिज हुँदा कान्तरा भने कन्नडमा मात्रै आएको थियो ।कान्तराको सकारात्मक समीक्षा र अर्को भाषामा पनि रिलिज गर्नुपर्ने दर्शकको मागका कारण १४ अक्टोबरमा फिल्म हिन्दी भाषामा पनि प्रदर्शनमा ल्याइयो । यसको केही दिन पहिले तेलुगू र तमिल भाषामा पनि फिल्म रिलिज गरिसकिएको थियो । २० अक्टोबरमा मलायालममा पनि आएपछि फिल्म अहिले पाँच भाषामा चलिरहेको छ ।कान्तरा सिनेमा हलमा लागेको चौथो हप्ता पूरा हुन लागेको छ । फिल्मले भारतीय बक्स अफिसमा हालसम्म १५० करोड भारुको व्यापारिक आँकडा पार गरिसकेको छ । यसको विश्वव्यापी कमाइ २०० करोड भारु रहेको भारतीय सञ्चारमाध्यमले उल्लेख गरेका छन् ।रिसब सेट्टीको लेखन तथा निर्देशन रहेको कान्तरामा रिसब सेट्टी, किशोर, अच्युत कुमार, प्रमोद सेट्टी, सप्तमी गोड्वा लगायतको मुख्य भूमिका रहेको छ ।फिल्मले नेपालमा पनि राम्रै कमाइ गरिरहेको छ ।साभार : अनलाइनखबर
.jpg)
कमेन्ट गर्नुहोस्