दिपक बस्नेत
मंसिर १६, तामाकोशी ।
तामाकोशी गाउँपालिका वडा नम्बर ४ मालुमा गरिबी निवारणको लागि लघु उद्यम विकास कार्यक्रमको ८ दिने तालिम समापन भएको छ ।
तामाकोशी गाउँपालिकाका वडा अध्यक्ष होम बहादुर श्रेष्ठको प्रमुख आतिथ्यतामा भएको भएको समापन कार्यक्रममा सहभागिहरुले तालिमबाट धेरै कुराको सिकाई भएको, तालिमबाट सिकेको कुरालाई व्यवहारमा लागु गर्न सके फाईदा हुने । आगामि दिनमा यस्ता खाले तालिमको अवश्यकता रहेको बताउँनु भयो । समापन कार्यक्रमका अतिथि श्रेष्ठले तालिमबाट सिकेको कुरालाई व्यवहारमा लागु गरि व्यवसायीक योजना बनाएर जिवन परिबर्तन गर्न अनुरोध गर्नु भयो ।
आठ दिने तालिममा व्यवसायमा महिलाको आवश्यकता र महत्व, बजार योजना, व्यवसायीक योजना, लागत के हो ?, विक्री प्रवद्धन लगाएत महत्वपुर्ण धेरै विषयबस्तु समावेस गरिएको थियो । नेपाल सरकार बाणिज्य तथा आपूर्ती मन्त्रालय सिंहदरबार काठमाण्डौको सहयोग र तामाकोशी गाउँपालिकाको आयोजनामा संचालन गरिएको तालिममा पालिका भित्रका वडा नम्वर ३, ४ र ५ का सहभागीहरुको सहभागिता रहेको थियो । तालिमको सहजिकरण तामाकोशी गाउँपालिकाका उद्यम विकास शाखा प्रमुख गंगा नेपाली र सहजकर्ता अन्जना पौडेलले गर्नु भएको थियो ।
.jpg)
कमेन्ट गर्नुहोस्